پرسوں صبع گرمی میں لائیبریری چلا گیا تھا وہاں کُچھ ہی دیر بیٹھا کہ لائیٹ چلی گئی مزید گرمی نےآ لیا پسینہ نکل رہا تھا مگر بیٹھا کتابوں کی ورق گردانی کرتا رہا تین گھنٹے گرمی میں گزارے تو پسینے سے شرابور ہو گیا باہر نکلا تو گرم ہوا بھی ٹھنڈی ٹھنڈی لگی اور اسی گرم ٹھنڈے سے زکام اور پھر بخار ہو گیا اب کل سے بستر پر دراز ہوں اور ارد گرد کتابوں کا ڈھیر لگا ہے کبھی کُچھ لکھتا ہوں کبھی پڑھتا ہوں اور کبھی دوائی کھاتا ہوں آدمی بھی کیسی عجیب شے ہے جب وقت ہوتا ہے تو اسے ٹھیک طور پر استعمال نہیںکرتا اور جب کہیں پھنس جاتا ہے تو سارےکام اکھٹے کرنے لگتاہے کوئی چار افسانے جو پچھلے تین ماہ سے آدھے آدھے لکھے رکھے ہیں اب ان سب کو پڑھا تو دل کر رہا ہے کہ سبھی فوراً مکمل کر دوں مگر جسم ساتھ نہیں دیتا لگتا ہے کل تک جب بخار اترے گا تو یہ افسانے مکمل کرنے والا بخار بھی اتر جائے گا اور برق رفتاری سے بہتا وقت مُجھے اس تنہائی سے نکال کر پھر کسی مضروفیت کی منجدھار میں لے جا پھینکے گا اور میں پھر خود ایک مرتبہ کھو دوں گا بھلا ہو اس بخار کا کے اس نے مُجھ سے میرے لیے کچھ وقت تو نکلوا لیا ۔۔۔۔۔۔۔۔۔ :)
کوئی تبصرے نہیں:
ایک تبصرہ شائع کریں